2006/VII/28
Five councils from the Sakana area in the Basque Country take a stand against the Zionist entity, Israel, an call for an active boycott

The representatives from the villages of Ziordi, Urdian, Bakaiku, Etxarri-Aranatz y Arbizu presented today on Arbizu's City Council a motion proposed by Askapena and passed in the 5 councils. This motion denounces Israeli genocide politics against Palestine and Lebanon, as well as the complicity of the "International Community" with this genocide.
They also declare in their villages an active boycott against Israel and against the enterprises, institutions and activities that support the Zionist project.
It is time for other city councils, institutions and agents in the Basque Country to show and implement their rejection and contempt for the genocide against the peoples.

Ziordi, Urdian, Bakaiku, Etxarri Aranatz y Arbizuk ONARTUTAKO MOZIOA.


Ekialde Hurbilean entitate sionistak (Israel) sorturiko egoera dela-eta.


Orain dela bi urte, uztailaren 9an Nazioarteko Justizia Auzitegiak (NJA) ateratako ebazpenak eman zigun pozak gutxi iraun du eta dagoeneko urrutiko oroitzapen bat besterik ez da. Ebazpen horretan Apartheidaren Harresiaren legez-kontrakotasuna ezartzen zuen eta bere eraispenaren beharra aldarrikatzen zuen.
700 km-ko harresi hau Gotorturiko errepide eta kontrol sistema hertsi baten zati da, soilik kolonoendako irekiak daudenak eta berez, palestinar biztanleei lurra, ura, etorkizuna eta askatasuna osten dizkiote eta gaur egun, oraingoz, jatorrizko Palestinaren %12 bakarrik utziaz.

Entitate sionistak 8.000 kolono ebakuatu zituen iazko udan Gazatik (baino beste 400.000 kolono mantentzen ditu Zisjordanian eta Jerusalen Ekialdean) eta lurralde hau 1,3 miloi pertsona ixten dituen kontzentrazio eremu batean bilakatu zuen. Igarobideen itxierak, erasoaldi militarrek, bonba sonikoen eta debekaturiko munizioen erabilerak, bizi-azpiegituren suntsipenak honek dakarren ur, janari eta osasun baliabideen gabeziak... Honek guziak, Gaza exterminio eremua bilakatu du.

NBEren ebazpenek besteak beste, 'gerra bidez lurraldeen eskuratzeak' onartezintzat gaitzesten dituzte, 'okupaturiko lurraldeetan arabiar biztanle zibilen etxebizitzak suntsitzea baztertu dezala' exigitzen diote, 'bortxazko ekintzak, bereziki, Palestinaren aurkako indarkeriaren gehiegizko erabilera' arbuiatzen dituzte, '4 milioitik gorako palestinar errefuxiatuei beren etxeetara ahalik eta lasterren itzultzea baimentzeaz' behin eta berriz azpimarratzen dute, 'palestinarrak beren etxeetara itzuli eta beren ondasunak berreskuratzeko duten eskubide besterenezina' berresten dute, 'Ekialde Hurbilean bake zuzen eta betiereko baten ezarpena' exigitzen dute 'horretarako, egin berri den gatazkan Israelek okupaturiko lurraldeetatik alde egin beharraz' hitz egiten dute, 1967ko gerraren harira, 'Israelen politika eta ekintzak 1969.etik aurrera okupaturiko lurralde palestinar eta arabiarretan asentamenduak ezarriz ez dutela inongo balio legalik eta benetako bake zuzen, orokor eta iraunkor batendako oztopo larriak direla' nabarmentzen dute, Israel potentzia okupatzaile bezala 'okupaturiko lurraldeetan zibilak diren biztanleei behar bezalako babesik eman ez diola' berresten dute........ eta honela, entitate sionistak inoiz bete ez dituen 46 ebazpen arte luza gintezke, ustezko estatu demokratiko eta zuzenbidezkoa izan nahi duen berberak. Zerrenda honi, Israelen aurkako beste 40 ebazpen baino gehiago gehitu beharko litzaizkioke, baldin eta Amerikako Estatu Batuak NBEko Segurtasun Kontseilu Iraunkorrean bere beto-eskubidea baliatu izan ez balu, aliatua duen Israelen aurkako gaitzespenezko ebazpenak ekidinez.

IDIak (Israelgo Defentsa Indarrak= Armada sionista) 1967.eko gerran Gaza eta Mendebaldeko Banda okupatu zutenetik, palestinarren 650.000 gartzelaratze baino gehiago gauzatu dira. 9.000 palestinar baino gehiago Israelgo gartzeletan usteltzen ari dira, hauetatik 400 inguru adin txikiko haurrak eta emakumeak dira. Tortura legala da. Desagertuak zenbatezinak. Heriotzak, guziak istripuz edo autodefentsan. 2006ko uztail honetan, demokratikoki hautaturiko Parlamentuaren heren bat bahitu moduan hartua izan da. Honen guziaren aurrean nazioarteko komunitateak Hasmasen gobernuari tanke batetik ateratako israeldar bakarra askatua izan dadila exigitzen dio.

Estatu subirano bat, Libano, bonbardatu eta inbaditu ondoren, ehunka pertsona erail eta gero, Ginebrako IV. Konbentzioa argi eta garbi bortxatu ondoren, bereziki debekatzen diren zigor kolektiboak, ondasunen suntsiketak, Okupaturiko Lurraldeetara biztanleak eramateak, biztanle zibilen aurkako eraso indiskriminatuak burutu ondoren, NBEren ebazpen bat betearazi nahi du, Hezbolaren desegitearen ingurukoa Libanoko lurraldeetan atzemandako beste bi soldadu sionisten aitzakipean.

Biztaleen eta bizi-azpiegituren aurkako bonbardaketek ehunka zibilen hilketa eragin dute azkeneko asteetan Palestinan nahiz Libanon, eta eraginiko kalteek hildako gehiago ekarriko dituzte ezinbestean. Entitate sionistak erabili duen munizio debekatua gehitu beharreko elementua da, hala nola, 250 buru nuklearrez osaturiko armategia berehalakoan erabiltzeko prest duena eta biltegietan zenbatezinez gorderik duenarekin batera. Hau guziaren ondoren, NATOko indarrek tarteko indar moduan jardun daitezen nahi du.

Ekintza hauek guziek, entitate sionistaren helburu garbia adierazten dute, hau da, Ekialde Hurbilean Israel Handiaren Estatua ezartzeko nahia, Amerikako Estatu Batuen, Europar Batasunaren eta NBEren konplizitate eta konibentziarekin. Eta helburu hau erdiesteko garbiketa etniko-erlijioso baten bidez osturiko lurralde batean ezartzeko asmoa du, printzipio etiko guziak bortxatuz, nazioarteko arautegiari muzin eginez, NBEren ebazpenak ez beteaz. Eta hau guzia, Estatu terrorismo estrategia baten bidez eta gizateriaren aurkako krimenen bidez egiten du, historia itxuragabetuz, nazioarteko gizartea manipulatuz eta irakaskuntza, kirol, kultura eta arte jardueretan inbertituz, honela, beste Estatu demokratiko, moderno, aurrerakoi eta zuzenbidezko bat bezala onartua izan nahi du.



Hau guziagatik, Ziordi, Bakaiku, Urdiain, Etxarri-Aranatz eta Arbizuko UDALEK honako hau adierazten dugu:


Palestina, Libano eta edozein herri subiranoren aurkako edonolako erasoen amaiera berehalakoa eta baldintzarik gabea exigitzen dugu.

Entitate sionistaren konplize gisa NATOren indarrak tartekatzea errefusatzen dugu erabat.

NBEk entitate sionistarekiko duen inkonpetentzia eta borondate falta, hala nola, konplizitate eta konibentzia salatzen dugu.

Europar Batasunak entitate sionistarekiko duen lehentasunezko merkatal hitzarmena eta bere konibentzia eta konplizitatea salatzen dugu.

Gure esku dagoen guzia eta gure eskuduntzazkoa den edozer eginen dugu, entitate sionistako gizarte zibilak, gobernuak eta armadak Palestinako, Libanoko eta Siriako lurralde okupatu guzietatik erretira daitezen behartzeko, hala nola, biztanle guzien eskubide guziak bermatzeko eta NBEren ebazpenak eta nazioarteko legeria betetzeko, bahituak dituzten preso polÌtiko guziak askatzeko, biztanleei suntsituriko eta osturiko guziagatik dagozkien kalte-ordainak emateko, eta jatorrizkoak diren eta errefuxiaturik dauden biztanleekin Palestina eta Ekialde Hurbilaren etorkizunari buruz akordio zuzen bat onartzeko.

Eta hipokresia eta eki-distantzia faltsuetan ez erortzearren, Israelgo produktuekiko boikot komertzial bat deitu, sostengatu eta eginen dugu. Entitate sionistarekin negozioak eta inbertsioak egiten dituzten enpresa eta erakunde finantzario guziei, euskaldunak izan edo ez, hauek eten ditzatela eskatuko diegu. Era berean, udalerriaren barrutian, entitate sionistaren edonolako jarduera akademiko eta intelektual, kultural nahiz kirol arlokoari boikota eginen diogu eta egin dakiola, aldarrikatuko dugu. Gisa berean, erasotuak izan diren herriekiko elkartasunez eginen diren edonolako ekitaldietan parte hartzera animatuko ditugu biztanleak.