If humanism is separated from the revolution, ceases to be truly human, and if the revolution is separated from humanism, ceases to be truly revolution

Boris Bialik

Martxoaren 30ean, Nazioarteko Israeli Boikot Eguna

Urte batzuk pasatu dira Israelgo Estatuaren aurkako boikot, desinbertsio eta zigorren aldeko kanpaina (BDS bezala ezagututa: boycott, divestment and sanctions) martxan jarri zenetik, Hego Afrikako Apartheid erregimena nazioartean isolatzeko kanpaina luzearen eredua hartuta. BDS kanpaina Palestinako 170 erakundek bultzatuta dago (http://www.bdsmovement.net/call) eta Palestinako espektro politiko osoak sostengatzen du, ezberdintasun ideologikoen gainetik, herri palestinarrak berak bere borrokaren aldeko mugimendu solidarioei eskaintzen dien tresna nagusia izanda. (* Informazio gehiagorako irakurri albiste hau)

Brigaden kanpaina amaiera Kanbon ospatuko dugu martxoaren 29an

Briganden kanpaina amaitzear da eta hiru hilabete hauei amaiera emateko martxoaren 29an azken aurkezpena KANBON antolatzen ari gara Aitzina gazte antolakundeko kideekin batera. Arratsaldeko 18:00etatik aurrera mahai inguruan egingo dugu internazionalismoaz hitz egiteko Askapena, Aitzina eta aurreko urteko brigadisten laguntzaz. Behin gosea eginda afari venezuelarra izango dugu eta gero kontzertuak! Animatu gaualdi internazionalistara!

Azken aste honetarako hitzaldiz beteta dugu agenda, ikusi nahi?

Martxoak 25; Hernaniko Kultur Etxean arratsaldeko 19:00etatik aurrera “Internazionalismoa, herrien arteko xamurtasuna” hitzaldia eskainiko dugu eta aurtemgo brigadak aurkeztuko.

Independentzia mintzagai izan dugu Zizurren

Zizurren burutzen ari duten independentziaren astearen baitan, hitzaldia eskaini genuen atzo Esparru gaztetxean. Hitzordua 19.00tan izan zen eta 30 pertsona inguruk parte hartu zuten.

Askapenako militantea den Guillermo izan zen hizlaria eta independentzia zer den azaltzen hasi zen. Argi utzi zuen estatu bat izatea ez dela nahikoa independenteak izateko: Kontua da botere politiko eta ekonomikoa noren eskuetan dagoen. Adibide bezala hego Amerikako herrien kasua aipatu zuen. Espainiar eta poltugardar inperioetatik askatu eta estatu propioa eraiki zuten, baina estatua minoria kapitalista baten eskuetan egon da, inperio yankiaren esanetara gainera. Azpimarratu zuen Venezuelan, Bolivian eta Kuban kasu, oso argi dutela hau eta horregatik mintzatzen direla “bigarren independentzia” eskuratzeaz. Honetarako herriak estatuaren estruktura osoa eta botere ekonomikoa eskuratu beharra ditu, hau da, sozialismoa eraiki.

Gran Mision Vivienda Venezuela zertan datzan azaldu digu Yolanda Rojas Urbinak

Arrasateko Askapenak, "Circulo Bolivariano La Puebla"-k, "Euskadi-Cubak", eta "Kaleratzeak Stop Desahucios Debagoienak" gonbidapenari erantzunez, Yolanda Rojas Urbina (Venezuelar Errepublika Bolivarianoko konsul generala Bilbon) Arrasaten izen zen atzo Venezuelako Gobernuaren etxebizitza politika eta Gran Mision Vivienda Venezuela azaltzen.

Venezuelako etxebitzita politika mintzagai bihar Arrasaten

Arrasateko Askapenak, "Circulo Bolivariano La Puebla"-k, "Euskadi-Cubak", eta "Kaleratzeak Stop Desahucios Debagoienak" antolatuta, hitzaldia eskainiko du Yolanda Rojas Urbinak Arrasaten. Venezuelar Errepublika Bolivarianoko konsul generala da Yolanda Bilbon. Venezuelako Gobernuaren etxebizitza politika eta Gran Mision Vivienda Venezuela zertan datzan azalduko du Arrasateko Kultur Ateko Jokin Zaitegi gelan. Hitzordua MArtxoaren 24an, astelehena, 19:00tan izango da.

Euskal Herrian, Kaleratzeak egunerokoa diren bitartean, Venezuelan, gobernua herritarrekin duen zorra kitatzen ari da. Horren adibide da "Gran Mision Vivienda Venezuela" non 3 urtetan 500.000 etxebizitza eraiki dituzten, aterbe gabekoei emateko.

Ez da kasualitatea inperialismoaren begipuntuan egotea venezuela. Orain ere estatu kolpe txikien bitartez ezarri nahi dute faxismoa. Horregatik da hain beharrezkoa, Euskal Herritik ere gure babesa eta elkartasuna adieraztea iraultza bolibariarrari.

Atzera baino aurrera begira jarri eta aurretzea dagokigu

Pasa den ostiralean Groseko Kortxoenea Gaztetxean anti-OTAN eguna ospatu genuen. Orain 28 urte, 1986ko martxoaren 12ko erreferendumean Euskal Herriak argi adierazi zuen bere hitza: OTANi ez! Horregatik OTAN zein inperialismoaren aurkako borroka gogora ekarri nahi izan dugu eta beraz hitzaldi batekin ekin genion ekimenari.

Iñaki Gil de San Vicente eta Mikel Aramandiren eskutik atzera begira jarri ginen eta OTAN jaio zenetik gaurdainoko bilakaera azaldu ziguten. Bereziki Euskal Herriko nahiz Espainiako alderdi ezberdinek izaniko jarrera eta hartutako erabakiak azaldu zizkiguten, eta nola ez, baita jendartean zabaldutako mugimendu eta borrokak ere.

Pages

Subscribe to Askapena RSS
randomness