Tengo dos pueblos para amar y un mundo por el que luchar

Pakito Arriaran

Se encuentra usted aquí

Brigadak15

"Soka tenkatzen doa"

Ehunka. Milaka. Milioika estelada zeuden Irailaren 11n Bartzelona osoan zehar: bandera moduan balkoietan zintzilik, kapa moduan soinean jarrita, kamisetetan, betaurrekoetan, etxeko maindireetan. Merchandising-ak dagoeneko bere egin du katalanen aldarrikapen hau, eta ahal bezain beste produktu ateratzen ari dira hor negozioa ikusi duten enpresak. Anekdota moduan, Herrialde Katalanetako kideek internet-en “Merda amb estelada” (esteladadun kaka) jarrita agertzen zaigun web orrialdea aipatzen digute:

Lehen Esquerra Independentistako (EI) militanteen aldarrikapena zena, orain nonahi topa daiteke, eta PSCkoa edo anarkista izandako jendeak ere barneratu du diskurtso edo jarrera hori. Hala baieztatzen dute, txikitatik estelada eramateagatik irainak eta erasoak jaso dituzten horiek. Baina, dudarik gabe, independentziaren profetatzat bere burua ikusten dutenak CDCkoak dira, Artur Mas horren pertsonifikazioa izanik, nahiz eta orain Junts pel Sí bezala aurkeztuko diren hauteskundeetara.

Països Catalans

Herrialde Katalanetara etorritako brigadak lehen urratsak eman ditu. Irailaren 7an, astelehenarekin, iritsi ziren Herrialde Katalanen iparraldera, Pirinio aldera. Aurtengo honetan, brigada kideek lurraldea iparraldetik hegora zeharkatuko dute; Pirinioetan hasi eta Valentzia hegoalderaino. Lehen hiru egunak iparraldeko eskualdeetan eman dituzte, hain zuzen ere, Seu dÚrgell, Berga eta Navàs herrietan. Horrela azaldu digute lehen egunetako esperientzia:

Brigada batzuk amaitu eta azkena hasi: Herrialde Katalanak.

Udara amaitu da, euria izan dugun arren, konpromiso internazionalista eguzki betean da egunez egun. Horren lekuko izan da gure ataria eta sare sozialak ere. Palestinatik hasi, Galiziatik pasa eta Mexikoraino, argazki, bideo eta kronikaz lagunduta brigadistek herri zapalduetako borrokak hurbildu dizkigute.

Orain Herrialde Katalanetako brigadaren txanda da. Zalantzarik gabe testuinguru interesgarri bezain gogorrakin aurkituko dira, eta ziur, irakaspen zein hausnarketa esperientzia aberatsak jasoko dituztela. Guk adi adi jarraituko ditugu twitterren @Paisos_2015 eta beraien kronika, argazki zein bideoak jasoko zuentzat.

"Zailtasun eta kontraesanak kudeatzen jakin eta aurrera egitean datza kontuak"

Barinas atzean uzteko garaia heldurik, Barquisimetoko Estatu eta hiriburura abiatu ziren Venezuelako brigada kideak. Proletalgoa Antolatuaren Etxean zituzten zai kamaradak. Haien eskutik lehen egunak proiektu berriak ezagutzen pasa ostean Gayones eta FRAPOMeko kideekin eman zioten amaiera brigadari
 
Proletalgoa Antolatuaren Etxean eraikin ikaragarri handi da, eta bere ibilbidearen erreportai txiki batekin eman ziguten ongietorria, honakoa borroka gogorren ondoren hartua edo okupatua izan baitzen. Egun, ekimen sozial ezberdinetarako erabiltzen dena. Jarraian, Barquisimeto bertako liburu azokara hurbiltzeko aukera izan genuen, hainbat liburu esku artean izan ondoren, Venezuelarekiko eta prozesu bolibartarrarekiko dugun jakin mina ase nahian  zenbait liburu erosi genituen. Honez gain, Amilcar Figueroa idazle eta pentsalaria ere ezagutu genuen,  eta berarekin esperientzia eta gogoetak partekatzeko beta izan genuen, zeina oso atsegina eta aberasgarria izan zen guretzat.

Sahara okupatutik kanporatutako kideek lan politikoarekin jarraitzen dute

Saharar lurralde okupatutik kanporatuak izan ziren zazpi brigadistek, beraien lan politikoaren jarraitzen dute. Aurreko abuztuaren 25ean Rabaten aurkitzen diren Frantziar eta Espainiar enbaxadetan protesta eginda, lehen pertsonan ikusi ahal izan zuten Espainiako gobernua ez dagoela Marokoar gobernuari erantzunkizunik eskatzeko prest. Brigadistek ordea beraien ekinbide politikoarekin aurrera jarraitzen dute, eta herenegun saharar preso politikoen senideekin biltzeko aukera izan zuten. Hemen bilkura haretaz azaldu digutena:

"Espainiako gobernua ez dago Marokoar gobernuari erantzunkizunik eskatzeko prest"

Azken bideoan azaldu bezala, pasa den astean Mendebaldeko Saharatik kanporatuak izan ginen zazpi brigadistok Espainiar eta Frantziar enbaxadetara joan gara kanporaketaren berri eman eta kexa formal bat ezartzera. Enbaxadaren erantzuna gertatutakoa beraien erantzunkizuna ez dela izan da, beraiek ez omen dute kasu hauetan eskuhartzeko eskumenik. Gertatutakoa ahoz azaltzeaz gain idatziz nahi dugula utzi azaldu diogun arren, momentuan bertan ezin dugula erantzun digute, udako ordutegian baitaude eta nahi baldin badugu beste modu batetara helarazteko eskatu digu. Gertatutakoa zehatz mehatz azaltzen duen idatzia bidaliko diegu, guk egiten ditugun eskaerekin batera. Eskaera hau Madrilera igorriko dutela esan digute eta bertan baloratuko dituzte gure eskaerak. Hala ere, kexatzeko eskubide osoa dugun arren, gobernua ez dagoela behartuta erantzun bat ematera esan zigun.

Páginas

Suscribirse a RSS - Brigadak15
randomness