Mendi altu-altu baten gailurra egin eta gero, igotzeko beste mendi altu asko geratzen zaizkigula ohartzen gara

Nelson Mandela

Marinaledatik Andaluziako brigadaren kronika

Asteartean Sevillako Marinaleda herria bisitatzen egon ginen. Bertako bi zinegotzirekin elkartu eta hainbat gauza kontatu zizkiguten, kronikatxo honetan eskeintzen dizkizuegu idatzita eta bideoan, informazio gehiago nahi izatekotan www.marinaleda.com webgunean eskuragai duzue.

 

Independentziaren aldeko borroka Grezian? Brigadaren azken kronika

Amaitu dugu Greziako brigada, Europaren periferian herri honek bizi duen egoera latzaren berri izan dugu, Europar inperialismoak gogorren jotako herrialdea. Interesgarria da ikustea Europar Batasunaren eta Troikaren aurka altxatzen den herri bati zein kolpe gogorra eman dion. Europar Batasunaren benetako aurpegia agerian geratu da Grezian, eta irakaspen hori da Euskal Herrira eramango duguna.

Atenas, Patras, Thessalonika, Halkiriki eta Kretako borroken berri izan dugu, KOE antolakundearen eskutik, eta herri mugimendu eta borroka ezberdinetan daukan parte-hartzeari esker esperientzia interesgarriak ezagutu ditugu.

Irakurri osorik

 

 

Ezagutu ezazu Andaluziar Herriaren historia brigadaren eskutik

Andaluziako Brigadako kideak jabetu gara ezer gutxi genekiela Andaluziako historiaz eta mendeetan zehar landu den nazio kontzientziaz. Iturri nagusia izan dugu Nacion Andaluza erakundea (https://nacionandaluza.org), eta bertako kideen eskutik jaso dugu informazio gehiena.

Jarraitu irakurtzen

Askapenako emakumeak Italiako 42. Bilkuran

Urtero bezala Italia osoko emakumeek Prali herrian dagoen Agape etxean bilkura egin dute. Aurten 42.urtea izan da eta Askapenako emakumeak hizlari moduan parte hartu dute, Euskal Herriko emakumeen borrokaren berri eman eta Italiako borrokaren berri jasotzeko asmoz. Azaldutako borrokak oso harrera ona izan zuen entzuleen artean.

“Intersekzionalitatea garai postkolonialean” izan da aurtengo bilkuraren izenburua. 2016ko uztailaren 23tik 30era bertan elkartu diren emakumeek gai desberdinak izango dituzte hizpide: feminismo postkoloniala, Rojavako kanpamenduetako emakumeen egoera, generoa hezkuntzan, indarkeriaren aurkako sareak besteak beste.

Formakuntza teorikoaz gain, hainbat tailer antolatu dituzte egun horietan zehar. Bilkura honetako helbururik garrantzitsuena emakumeen arteko harremana indartzea eta elkarlana sustatzea izan da.

Komunitate zapatistetatik, Mexikoko brigadaren kronika!

    Uztailak 13an iritsi eta 20rarte Agua Clarako lurretan zapatistek bereganatutako “El Salvador” bainuetxean izan ginen. Zapatisten gunea bost karakolek osatzen dute; Oventik, La Garrucha, La Realidad, Roberto Barrios eta azkenik gu izan ginena, Morelia. Karakol bakoitzak bere barnean munizipio autonomoak dituzte, gure kasuan Komandanta Ramona eta munizipioek bere barnean hainbat komunitate, bisitatu genuena Agua Clara.

 

“El Salvador” bainuetxearen historia
    

Agua Clara komunitatea osatzen duen lur eremua, Tuxtla Gutierrezko lurjabe baten finka zen. Honek abereekin lan egiten zuenez, lur eremuko berezko landaredia desagertuta zegoen. 1994ko urtarrilaren 1ean EZLNren altxamenduarekin gizon honek lur hauetatik ihes egin zuen eta lur hauek komuneroek errekuperatu zituzten. Sasoi horretan komunitatean 30 familiatik 18 zapatistak ziren. Hala ere, urteak pasa ahala gobernu estatal, zein federalak komunitateetan laguntza programa desberdinak ematen hasi ziren zapatismoa ahuldu asmoz.

    1998an gobernu berak Agua Clara errekaren magalean instalazio modernoak eraiki zituen; hala nola jatetxe bat eta hamar logelako hostala, gerora leku hau putetxe ere bilakatuaz. Egoera honek bertako bizilagunak arduratu zituen eta EZLNrengana jo zuten lurrak errekuperatzeko. Honetarako hitzarmen bat sinatu zuten 2008an EZLN eta bertako agintariek, non EZLNri lurren kontrola aitortzen zioten. Hau horrela familia zapatistek lurra landu eta zaintzeari ekin zioten eta horrela jarraitzen dute. Hortik denbora gutxira Agua Clarako komunitateak, (partidistak) egindako akordioa bertan behera utzi zuten eta ordutik arazo ugari izan dute.

    2012rarte Agua Clarako komunitatean 18 familia zapatista zeuden arren, gaur egun lau familia izatera iritsi dira. Mehatxu asko izaten dira eta azpimarragarriena “El Salvador” bainuetxea okupatzea eta zapatistak kanporatzea da.
    

Komunitateko egonaldia

    “El Salvador” bainuetxera iritsi baino lehen, Moreliako karakolean izan ginen, han Junta de Buen Gobiernok hartu gintuen ongi etorria emateko.
    Behin Agua Clarara iritsita, oso ondo hartu gintuzten bertako kideek, behatzaileen presentzia asko eskertzen baitute. Gure lana giza-eskubideen behatzaile gisa jardutea izan zen, bertako bizimodua behatuz, inongo momentuan eskurik hartu gabe. Behatzaileen presentziak bertako erasoak murrizten ditu, azken batean gertakariak jakinarazteko baitaude.

    Komunitatera iristean partidisten erasoa zela eta urik gabe geunden, aurreko egunean ur-hodia moztuta eta trabatuta utzi baitzieten, beste hainbat alditan bezalaxe. Ur-jarioa aurkitzea asko kostatu zitzaien, baita hau konpontzea ere, horrek suposatzen zuen gastu ekonomiko zein materialak eskuratzeko zegoen zailtasunagatik.

    

    Bainuetxean bizi zen familiarekin egoten ginen batez ere, batik bat haurrekin, sukaldea elkarbanatzen genuelarik. Familia hau bertara joan berria zen eta tzeltalez hitz egiten zutenez ezin izaten genuen haiekin nahi beste komunikatu. Uneoro izaten diren mehatxuak direla eta JBGk zaintzaileak bidaltzeko neurria hartu zuen, zortzi eguneko turnoak egiten dituztelarik, hori dela eta beste kide bat ezagutzeko aukera izan genuen. Bainuetxetik gertu bizi zen beste familiarekin izan genuen harreman zuzenena, familia hau izan zen lurrak berreskuratzean bertaratzen lehena.

    Behin aste bete bertan pasa ostean, berriro ere Moreliako karakoletik pasa ginen, gertakarien berri eman eta agurtzera. Deigarria egin zitzaigun partidistei buruz hitz egiterakoan “nuestros hermanos partidistas” esatea, uneoro mehatxuka dagoen jendea baita, hauek baina indigenak eta pobreak dira. Hauen erasoen aurrean ez dute inongo momentuan erantzuten, erresistentzia baino ez dute egiten. Azken finean, benetako etsaia ez dira komunitateetan dauden partidisitak, horiei ordaintzen dieten alderdi politikoak baino, askotan gainera konfrontazioa bilatzen dutenak.

 

Brasilgo brigadaren 3. bideo Kronika Belo Horizonte Festibaletik eta argazki galeria

 

Orriak

Subscribe to Askapena RSS
randomness