Lore guztiak moztuko dituzue, baina iritsiko da udaberria...

Pablo Neruda

Hemen zaude

Iosu eta larri gaixo dauden presoekin elkartasun keinuak Dublin, Bolivia, Sahara eta Londresen

Munduko hainbat txokoetatik elkartasun keinuak jaso ditugu Iosu eta larri gaixo dauden preso politikoekin bat eginez: Bolivia, Dublin, Sahara eta Londres.

Mohamed Barkan dut izena, Saharako preso politiko ohia eta Talde Mediatikoko kidea. Laayouneko lurralde okupatuetatik nere elkartasuna adierazi nahi diet Josu Uribetxeberriari eta borrokan diren euskal preso politiko guztiei. Espainiar eta frantziar gobernuei preso politikoen aldarriei erantzuteko deia egin nahi diet, gaixo diren presoak askatuz.

Mendebaldeko Saharan (lurralde okupatuetan) ongi ezagutzen ditugu marokiar espetxeetan jasaten diren eskubide urraketak. Espetxean eman nuen denboran, bi gose greba burutu nituen gure bizi baldintzak hobetzeko esperantzarekin.

Lehen gose greban, tratu txarrak amaitzea, osasun arreta duin bat izatea, ikasketa eskubidea bermatzea eta senideen bisitak eduki ahal izatea eskatzen genuen.

Gure aldarrikapenak beteko zirela zin egin ziguten arren, egoera luzatu egin zen. Bigarren gose greban, espetxe barruan aurkitzen ginen preso politikoak elkartzea lortu genuen. Estatuek, haien eskubideak aldarrikatzen dituzten pertsonen kontra erabiltzen dituzten mendeku neurriak aski ongi ezagutzen ditugu zoritxarrez.
Nazioarteko erakundeek Estatu espainol eta frantziarra interpelatu beharko luketela deritzot, preso politikoen giza eskubideak bermatu ditzaten.

Nere desioa,  Euskal Herrian atxiloketa politiko oro amaitzea da, eta munduko herri guztiei zor zaien autodeterminazio eskubidea eskuratzea.
Saharatik, besarkada iraultzaile bat Josu Uribetxeberria eta borrokan diren euskal preso politiko guztiei.

Presoari askatasuna eta esperantza desagertuari. (Saharako esaera zaharra).       

Mohamed Barkan (Saharako preso politiko ohia)

Gehitu iruzkin berria

randomness