Nahiago zutik hil, belauniko bizi baino

Dolores Ibarruri

Hemen zaude

Euskal Herria

Indarkeria matxistaren aurrean autodefentsa feminista!

Asteazkena, Azaroa 25, 2015 - 14:15

 

Askapenak euskal internazionalistoi dei egiten dizuegu Euskal Herrian burutuko diren mobilizazioetan parte hartzera. Autodefentsa feministaren bitartez soilik garaituko dugulako indarkeria matxista hemen nola mundu guztian! 

 

MOBILIZAZIO DEIALDIAK

KortxoeneanBizirik!

Gaur goizean piztu da alarma: Kortxoenea Gastetxean (Gros, Donosti) desalojatzeari ekin diote. Inolako baimenik gabe Gaztetxeko atea indarrez bota eta hainbat zulo egin dituzte lurrean goizean zehar, gaztetxeko kide, bizilagun eta auzokideen "Kortxoenea bizirik" oihuak aditzen ziren bitartean. 

5 urte bete berriak dituen gaztetxeak ateak zabalik izan ditu beti formazioa, eraldakera, autogestioa... edo beste edozer egin nahi zuen guztientzat. Hala ireki zizkiguten ateak guri ere ekainean urtero antolatzen ditugun "Herri jantzia garaipenaren hazia" formazio jardunaldiak bertan burutzeko.

San Ferminetan mugi! herri mugimenduarekin!

Iaz egin bezala, aurtengo San Ferminetan ere herri mugimenduan lanean diren eragile batzuk uztailaren 12an elkartuko gara egitarau xume baten inguruan. Urtean zehar egiten dugun lana azaleratzeko eta jai giroan herri mugimenduaren izaera eta izana indartzeko helburuarekin elkartu gara Ikasle Abertzaleak, Euskal Herrian Euskaraz, Askapena, IruñHerriko Harresia eta Sortzen. Aurtengoan, gainera, kutsu berezia izanen du egun honek epaiketa politiko baten atarian dagoen Askapena erakundeari babesa emateko ere baliatuko dugulako.

AHT Gelditu Orain! Manifestazio nazionala, Donostian, Ekainak 13

Askapenak, Euskal Herriko hainbat mugimenduk, sindikatu eta erakunde sozialekin batera, “AHT GELDITU ORAIN! Xahuketa gehiago ez! Herritarrok erabaki!” goiburua duen manifestuarekin bat egin eta datorren ekainaren 13an Donostian burutuko den manifestazio nazionalean parte hartzera dei egin nahi diogu euskal jendarteari, bai eta AHTren oposizioarekin bat egiten duten mugimendu eta erakunde guztiei ere ekimen honekin bat egitera ere.  

AHT GELDITU ORAIN! MANIFESTUA Xahuketa gehiago ez! Herritarrok erabaki!

8 urte igaro dira Abiadura Handiko Trena (AHT) egiteko lanak hasi zirenetik. Ordutik hona mito bat erortzen ikusi dugu. Urte hauetan zehar agerian gelditu da AHT ez dela bideragarria eta ez dakarrela inongo onurarik gizartearentzako. Porrot egin du proiektu honek, milioiak xahutzen dituena eta oinarrizko beharrizan sozialetara bideratu beharko liratekeen partidak murriztu beharra dakarrena, kalte itzela eraginez gizarte, ekonomia eta ingurumen arloetan.

Gazteri libre baten alde #ResistGasteiz

Espainiar Estatu inperialistak ez du eteten bere errepresio estrategian, herrion aurkako zapalkuntza, militanteen aurkako epaiketa politikoetan edo eta gazte belaunaldien kriminalizazio, atxilotze, espetxeratzea sakontzen jarraitzen du. Epaiketa guzti hauek ordea, beraien porrot ta beldurraren seinale dira. Min eginten diogunaren adierazle. Horregatik, eraso bakoitzaren aurrean indarrak bidekartu beharrean gaude. 

Gastu Militarra eta Armagintzaren kontrako 8. Bizi Martxa burutuko dute larunbatean

Beste urte betez, datorren apirilaren 11ean, armagintzaren aurkako VIII. Bizi-Martxa burutuko da Bilbotik Getxora. Komite Internazionalistak, Eguzki, Ekologistak Martxan, Kakitzat, KEM-MOC eta Askapena mugimenduek antolatutako ekimen honek arma industrian aritzen diren enpresak salatzea eta lantegi horiek industria sozialeko enpresa bihurtzeko eskatzea du helburu. Bilbon hasi eta Barakaldo naiz Getxon arma industrian aritzen diren bi enpresa lotuko ditugu.

Martxa goizeko 11:00etan hasiko da Bizkaiko Foru Aldundiaren egoitzaren aurretik. Handik Barakaldoko Precicast militar lantegira hurbilduko dira txirrindulariak, Getxoko Sener enpresaren aurrean bukatzeko.

Ekimen honekin "salaketa bikoitza" egin nahi dute Bizi Martxaren deitzaileek. Alde batetik, gastu militarrarako eta armagintza bultzatzeko "euskal instituzioek gero eta diru gehiago desbideratzen dutela adieraztea" eta, beste aldetik, "euskal armagintza eta Israel armadaren arteko dagoen harremana azaleratzea".

Preso eta senideen eskubideen defentsan elkartasuna aurrera!

Askapenako kideok ere bat egiten dugu euskal gizarte eta eragile ezberdinei larunbat honetan Donostian burutuko den mobilizazioan parte hartzeko deialdiarekin. Mobilizazioa, arratsaldeko 17:00etan abiatuko da Anoetatik, “Preso eta senideen eskubideen defentsan, elkartasuna aurrera!” lemapean.

Hemen atzoko atxiloketen aurrean EHL sareko kideen komunikatua

Euskal errepresaliatu politiko eta hauen senide eta lagunen eskubideen defentsan konprometituak dauden 4 pertsonen atxiloketa salatzen dugu. Euskal preso politikoen defentsa juridikoa egoera onartezinean jarri zuen abokatuen kontrako aurreko operazio polizialak, oraingoan, konfiantzazko mediku asistentzia ere galarazi nahi dute. Nahikoa ez balitz, espainiar gobernuak aurrera pausu berri bat eman du senide eta lagunei erasotzen, salbuespeneko espetxe politika honek dakartzan ondorio lazgarriei aurre egiteko senideei asistentzia eta laguntza psikosozialari erasotzen.

Aski da! Atxilotuak Askatu!

Beste behin ere, gaur goizean berri zahar batekin altxatu gara. Larunbateko manifestazio erraldoietik 48 ordu ere pasa ez direnean, berdez jantzitako mertzenarioak Euskal Herriko ateak jo dituzte 16 Euskal Herritar baitu eta epailearen aurrera eramateko. Hainbat lokal eta egoitza mihatzeaz gain, dirua lapurtzen ere ibili dira goizean goizetik. Urte bete "Jaque" operazioa burutu zutenetik, eta orain "Mate" operazioa burutu dute Espainiako Guardia Zibilak. Arridura sortzen digu horrelako izen militar bat izateak "epaimahaia zibil" batetik irtendako agindu batek.

San Ferminetan ere Herri Mugimendua aurrera!

Aurtengo San Ferminetan herri mugimenduan lanean gabiltzan eragile ezberdinak uztailaren 10ean elkartuko gara egitarau xume baten inguruan. Urtean zehar egiten dugun lana azaleratzeko eta jai giroan herri mugimenduaren izaera eta izana indartzeko helburuarekin elkartu gara Ikasle Abertzaleak, Euskal Herrian Euskaraz, Independentistak, Sortzen Ikasbatuaz eta Askapena. Txikitasunetik jaio den ekimen hau datorren urteetan proposamen gehiagorekin janztea eta elikatzea espero dugu. Izan ere, herri mugimendutik egiten dugun lana, oinarrizkoa izanen baita etorkizuneko Euskal Herria eraikitzeko. Gure txikitasunetik gauza handiak sortzeko gai garelako, San Fermin hauetan inoiz baino ozenago eta argiago entzungo da Iruñeko kaleetan: HERRI MUGIMENDUA AURRERA!

Estatuen inposizioen aurka Herri bezela erantzuteko deia

Hemen bildu garen herri mugimenduko ordezkariak gure hausnarketa plazaratu eta Aberri Egunerako indarrak batzeko asmoak batu gaitu.

Euskal Herria amaraun sare batean bezala, harrapaturik dago agorturik dagoen egungo markoaren gatibu. Behin eta berriro, herri gisa garatu eta arnasa hartzen saiatzen bada ere, egungo markoaren itzalak estaltzen ditu euskal jendartean sortu litezkeen esperantza argiak.

Espainiar eta Frantziar Gobernuek erasoek ez dute ez muga ez eta etenik ere.  Ikusi besterik ez dugu Frantziar Gobernuak Ikastolen aurka abiaturiko auzibidea eta Herriko Etxeen gainean ezarririko presioa. Zer esanik ez hego Euskal Herriko Udaletan Euskararen inguruan harturiko konpromisoak geldiarazi asmoz abiaturiko auzibidea.

Bide berean dakusagu, Nafarroa garaian aldaketarik eman ez dadin Madrilek luzaturiko eskua edo eta Nafarroan bertan hezkuntza komunitatearen eta euskaldunen aurka abiaturiko sorgin ehiza. Ikastetxeetan ikuskatzeak egitera iritsi dira, testu liburuetatik Euskal Herriarekiko erreferentzia guztiak ezabatu asmoz.

Arkaitz Bellonen erailketa salatzeko mobilizazioetan parte hartzera deitzen dugu

Arkaitz Bellon Elorrioko presoaren erailketaren aurrean Askapenatik Estatu Español zein Frantsesek indarrean duten espetxe politika basati eta hiltzailea salatu eta Euskal Preso Politiko guztien etxeratzea aldarrikatzen dugu. Ildo honetan datozen egunetan antolatu diren mobilizazioekin bat egin eta euskal herritarrei parte aktibo izatera dei egin nahi diegu.

Gure elkartasun guztia eta besarkadarik beroena Arkaitzen senide eta lagunentzat.

Arkaitz gogoan zaitugu!

 

Nos arrastran al empobrecimiento y la precariedad, Euskal Herriak bere bidea

Agiri hau sinatzen dugun erakunde sindikal eta sozialok behin eta berriz salatu izan dugu ezartzen ari diren politika antisozialek biztanle gehienak txirotzea dakartela, eta alderantziz, gutxiengo bat aberastea eragiten dutela. Aberaste hau lortzeko bideak anitzak dira: ondasunen banaketa desberdina, enplegua okertu eta suntsitzea, kolektibo jakin batzuri osasun arreta ukatzea, unibertsaletik gero eta gutxiago duten zerbitzu publikoen pribatizazioa, jendea argirik eta berogailurik gabe uzten duten energia-politikak, etxebizitza izateko aukerarik gabe geratzen diren pertsonak, era guztietako prestazio sozialak murriztu eta gutxitzea…

Askatasunaren bidean izan gaitezen itsaso

Atzoko egunez, Espainiako Gobernuaren aginduz Guardi Zibilak buruturiko EPPKko bitartekarien atxiloketa salatu eta larunbatean Bilbon burutuko den “Tantaz tanta itsasoa gara” ekimenean parte hartzera deia egiten dugu

Lehenik eta behin, elkartasun eta animoak bidali nahi dizkiegu atzoko egunez atxilotuak izan ziren Arantza Zulueta, Jon Enparantza, Mikel Almandoz, Aitziber Sagarminaga, Aintzane Orkolaga, Jose Campo, Egoitz Lopez de Lacalle eta Asier Arangureni, baita beraien gertukoi ere.

Euskal Herri aske bat nahi dugu, horregatik borrokatzen gara, horren alde egiten dugu borroka. Askatasuneranzko bidean konpromisoak hartu eta lanean dihardugu egunero, konponbidearen aldeko hautua egin dugulako.  Gure hondar alea jarriz, negar eta izerdi tanta bakoitzaz, urratsez urrats bidean egiten ari gara.

Neguko opor hauetan Herri Dendak zabalik Euskal Herriko txoko ezberdinetan

Gasteizen pasa den urrian HERRIOK HARRO! Gune internazionalista zabaldu genuen. Oroitzen? Bada data hauetarako ordutegi berezia izango dugu.  Askapenako ohiko kamiseta, bisera, umeendako arroparekin batera, rona, azukre, kafe eta jaboi ekologiko eskuratzeko aukera duzue bertan. Baina baita produktu berriak ere! Amantalak, katiluak, poteak, kuadernoak, 2014ko egutegiak... Abenduaren 16tik Urtarrilaren 4ra arte goiz eta arratsaldez izango gaituzu 11:00 etatik 14:00etara eta 17:30etatik 20:30etara!

Bilboko Zirika Herri Guneak (Erronda kalea, 12) ere astelehenan ireki zituen ateak. 30 eragile sozial baina gehiagok parte hartzen dugu HerriDenda honetan eta material ezberdina eskura izateaz gain, hilabeteko hitzaldi sorta antolatu dugu. Abenduaren 27an, Askapenak antolatuta, Sardiniako kide internazionalista izango da mediterraneoko herri txiki honen burujabetza eta sozialismoa eskuratzeko borrokaren nondik norakoak azaltzen.

Lizarran ere ostegun honetan abenduak 19 irekiko dute Herri Denda Gaztetxean. Eta oporraldian zehar ostegunero izango da zabalik gure nahiz beste kolektiboen materiala eskuratu ahal izateko.

Irunen abenduaren 21ean irekiko ditu Herri Dendak bere ateak egun osoan zehar. Peña kalean izango gara (24) Hazia Kultur Elkartean.

Laudion ere izango dugu, abenduaren 22an 9:00etatik 14:00tara Aldaikoerreka plazan.

Donostian berriz abenduaren 23 eta 24ean Amaran Herri Azoka antolatu dugu beste hainbat herri mugimenduko eragileekin batera. Egun osoan zehar izango gara bertan.

Auzitegi Nazionalak absolbituta, aske geratu dira Lander eta Aingeru

Madrilgo Auzitegi Nazionalak autobus bat erretzea leporatuta epaitu zituen Lander Fernandez eta Aingeru Cardaño santutxuarrak absolbitu egin dituzte. Biak aske geratu dira dagoeneko.

2002. urtean Bilbon autobus bat erretzea egotzita, Lander Fernandez eta Aingeru Cardaño santutxuarrak iragan astelehenean epaitu zituen Auzitegi Nazional espainolaren Zigor Aretoko Bigarren Sekzioak, eta biak absolbitu egin dituzte.

Absoluzioaren berri izan eta ordu batzutara utzi dituzte aske.

Leer la noticia de la absolución de Lander Fernández y Aingeru Cardaño

Orriak

Subscribe to RSS - Euskal Herria
randomness