Gure mendekua geure haurren irribarreak izango dira

Bobby Sands

Hemen zaude

Euskal Herria Internazionalista

Venezuelatik Euskal Herrira brigadan; 1. kronika

Badira egun batzuk Venezuelatik etorritako kideak Euskal Herrian brigadan daudela. Ostegunean bertan heldu ziren bidaia luze baten ostean, baina ez dute deskantsatzeko aukera askorik izan.

Maiatzaren 31ean zatoz Arrankudiagara!

Datorren maiatzaren 31erako “Euskal Herria Arraundeguorl” egun internazionalista elkar lanean antolatzen ari gara Ernai eta Askapena.

Euskal Herrian, internazionalismoa geure askapen borrokaren zutarrietako bat da. Milaka izan dira urteetan zehar herrien arteko elkartasuna sustatu eta inperialismoari aurre egin asmoz eginiko keinuak. Borroka eta elkartasun horren adierazgarri dugu aste hauetan Venezuelako herri mugimenduan lanean ari diren 5 kidez osatutako brigada.

“Euskal Herria Arraundeguorl” egunak berak, borroka honetan bere ondar alea jarri nahi du eta edukiz zein kultur eskaintzaren bitartez borroka internazionalistaren garrantzia aldarrikatzeko antolatu dugu.

Maiatzaren 15ean Palestinarekin elkartasuna Euskal Herriko plazetara!

Maiatzaren 15ean Nakba-ren eguna gogoratzen da, “hondamendiaren eguna” arabiarrez hain zuzen ere eta  palestinarren exodoa izendatzeko erabiltzen da. Izan ere, 1948ko egun horretan herri palestinarraren zati handi bat bere etxeetatik kanporatua izan zen.

Askapenatik, larunbatean #HerriJantzia formazio mintegietan aterako argazkiarekin Euskal Herria-Palestina Saretik luzatuko ekimenekin bat egin eta maiatzaren 15ean Palestinarekiko elkartasuna Euskal Herriko plazetan islatzeko dei egin nahi diogu Euskal Herriko jendarteari.

Venezuelatik Euskal Herrira brigadan!

Urteak daramatzagu Askapenatik Venezuelara brigadak antolatzen. Oraingo honetan ordea, Euskal Herritik joandago brigadistekin beraiek egin bezala, gure artean jaso eta Euskal Herriko borroka bertatik bertara ezagutzeko asmoz Venezuelako herri mugimenduko kide ezberdinak gurean izango ditugu.

Venezuelatik zuzenean Donostira helduko dira biharko egunez herri mugimenduan aktiboki lan egiten duten Venezuelako 5 brigadista eta maiatzaren 31en Arrankudiagan ospatuko den Euskal Herria #Arraundeguorl egunean emango diote amaiera beraien bisitari.

15 egunetan zehar Askapenaren laguntzaz eta Herri Mugimenduko eragileen parte hartzearekin Euskal Herriko errealitatea eta borroka esperientziak ezagutzeko aukera izango dute. Izan ere, brigadak askapen nazional zein sozialean murgilduta dauden herrion arteko sare internazionalista eraikitzeko bitartekoak dira, borroka esperientzietatik ikasteko. Urteetan zehar, Euskal Herritik Venezuelara joandago brigadisten ahotik jaso dute gure herriaren berri eta orain, bertatik bertara ezagutzeko, janzteko eta ikasteko aukera izango dute. Guk hemendik brigada honen jarraipena egin eta eguneko argazki eta kronikatxoak eskainiko dizkizuegu.

Saharar herriarekiko sentsibilizazio jardunaldia izan zen larunbatean Arrasaten

Larunbatean, maiatzaren 10ean, Arrasateko Gaztetxean Saharar herriaren aldeko sentsibilizazio jaia antolatu genuen. Harrera beroa jaso zuen herritarren aldetik. Euskal herritarrak, sahararrekin bat eginik, Saharar herriaren egoera dramatikoa landu genuen arratsalde batez. Hassana Aaliaren hitzaldian 55 pertsona batu ginen, eta ondorengo poesia errezitaldian eta rap kontzertuan jendea batzen joan zen, gaztetxeari jai giro aparta eskainiz.

*Hemen duzue irakurgai mondraberrik eginiko egunaren kronika: "Sahara libre!" aldarria zabaldu zuten Gaztetxean

Ukrania, multinazionalak, Palestina eta Feminismoa mintzagai IV. Formazio Mintegietako lehen egunean

Larunbat honetan, maiatzak 10 hasiera emago diogu aurtengo “Herri jantzia, garaipenaren hazia” IV. Formazio Mintegi irekiei.

Goizean goizetik 100 lagun inguru izan gara EleBeltzera hurbildu garenak formazio politikoa lantzeko asmoz. Gabirel Ezkudiaren eskutik izan dugu lehen hitzaldia. Gabirelek mundu ikusteko era ezberdinak daudela nabarmendu digu, eta gure kasuan, ikuspegi europar-zentrista batetik egiten dugula azpimarratu du. Horrela gaur egungo ideiologia nagusiari egin dio erreferentzia, neoliberalismoari. Eta nola globalizazioaren munduan, inperialismoaren bitartez nagusitasuna lortu duen alor ekonomiko, politiko, kultural eta teknologikoetan.

Askapenaren komunikatua Ukranian jasotzen ari diren gertaeren aurrean

Gure gaitzespen sendoena adierazi nahi dugu lehenik, Odesan izaniko azken gertakarien aurrean, non, Kieveko gobernuaren aurkari ezkertiarrak eraikin batean inguratu(sindikatuen etxean), eta bizirik erailak izan ziren Pravy Sector-ek (Eskuindar Sektorea) gidaturiko faxista indarren eskutik. Hain zuzen, erakunde neonazi paramilitarra da berau, Estatu kolpean nagusitasunez esku hartu zuena, eta egungo sasi gobernuarekin harreman estua duena bestalde.

Pentsatzen dugu, kide antifaxista hauen hilketa zikoitza, hasi berri den gerra baten logikan kokatzen dela, Donest, Luhansk eta beste eskualde zenbaiten aurka gobernu kolpistak hasi duena, hain justu, gobernu berriari zilegitasunik ez baitiete ematen. Ultraeskuindarrek estatu kolpearen truke zenbait ministerio kargu bereganatu dituzten gobernua hau, EEBB eta euro inperialismoak ezarritako titere lanak ari da betetzen, eurak diseinatu, finantzatu, eta mediatikoki beharrezko zuten babesa eskaini ostean.

Garesen aste internazionalista ospatzen ari dira

Aste honetan Garesen Aste Internazionalista izango dute hainbat auzokideen artean antolatuta, herri ekimenaren bitartez eta Garesko Gazte Asanbladarekin batera.

Gai nagusia, El Salvador izango da, baina batez ere Begoña Garcia Arandigoyen Albari omenaldia izango da. Alba, Garesko mediku internazionalista, El Salvadorren torturatua eta erahila izan zen 1990 El Salvadorreko armadaren esku, Frente Farabundo Martiren alderdi sanitarioaren parte zenean.

Jarduerak astelehenean hasiko dira, maiatzaren 5ean, hain zuzen, El Salvadorri buruzko argazkien erakusketarekin. Hau Garesko Liburutegian ikusgai egongo da maiatzaren 10a arte.

Saharar herriarekiko sentsibilizazio jardunaldiak Arrasaten

Arrasateko Gaztetxeak, Askapenak, Nubi elkarteak eta "munduak ikusten ez duena" antzerki taldeak Saharar herriarekiko sentsibilizazio jaia antolatu dugu Maiatzaren 10erako.

Bereziki azpimarratu nahi dugu Hassana Aaliak emango duen hitzaldia. Hassana Aalia, Euskal Herrian bizi den ekintzaile sahararrak bizi osoko kartzela zigorra jaso du Marokon. Atxilotua eduki zutenean tortura latzak jaso zituen. "Odolez betetako gela batean egon nintzen, jendarme marokoarrek esan zidaten nire adiskideen odola zela" adierazi zion Argia aldizkariari.

Epaiaren ondoren Saharara itzultzeko aukerarik ez daukala ikusirik eta estradizio arriskua eduki arren, borrokan jarraitzeko asmoa daukala adierazi du: “Presoen senideek eskatu didate hemen geratzeko beraien alde borrokan eta horixe egingo dut”.

Hassanaren esperientzia eta Saharar herriaren borroka ezagurtzeko, animatu eta hurbildu Arrasateko Gaztetxera! Bertan izango gara!

 

* Informazio gehiagorako hemen duzu Argiak Hassana Aaliari aurtengo otsailean eginiko elkarrizketa.

 

Maiatzaren 10 eta 17an IV. Formazio Mintegiak antolatu ditugu

Beste urte batez “Herri jantzia, garaipenaren hazia” lemapean formazio mintegiak antolatu ditugu maiatzaren 10 eta 17ko larunbatetarako Lasarteko EleBeltz, sorkuntza eta eztabaida askerako topagunean. Izen emateko idatzi herrijantzia@askapena.org helbid era.

Aurtengoa formazio mintegiak antolatzen ditugun laugarren urte izango da, izan ere formazio politikoa oso beharrezkoa dela argi baitugu. Garrantzizkoa da kapitalismoak zein inperialismoak Euskal Herrian edo bestelako herri zapalduetan aurrera daramatzaten erasoaldiak ezagutzea. Eta beharrezkoa da, zapalketa hauen aurrean altxatzen diren herri borroka esperientzia ezberdinak ezagutzea. Irakaspenez, pentsamenduz, hausnarketaz, esperientziaz... herria janztea da gure asmoa, biharko egunez bide propioak jorratzen jakin eta garaipena eskuratzeko.

Hileko azken ostiralean elkarretaratzea eta bertso saioa Ormaiztegin

* Beherako eguneko argazkiak ikusgai

Hileko azken ostiralean, Ernai eta Askapenak elkarrekin munduko preso politikoak ekarri zituzten gogora. Arratsaldeko 18:00etan hitzaldia izan zen askapenaren eskutik, kide batek, munduko presoak, errepresioa reeta nazioarteko gatazkak izan zituen hizpide, aipamen berezia eskaini zitzaien korsikar eta galizar presoen egoerak. Internazionalismoaren beharrak eta errepaso historiko bat ematearekin batera eztabaida piztu zen bertara ziren 15 lagunen artean, hain zuzen, egungo egoeraren gainean, pasibotasuna, borrokarako zailtasunak eta inperialismo eta estatuek dominatzeko dituzten mekanismoen gainean.

Fernando Yañezekin Mexikoko askapen mugimenduaz arituko gara apirilaren 30ean Gasteizen

Datorren apirilaren 30ean Fernando Yañez Euskal Herrian izango denez Gasteizko Martxoak 3 memoria gunean hitzaldia antolatu dugu Ikasle Abertzaleak antolakundeko kideekin batera arratsaldeko 19:00etarako.

Fernando Yañez FLNko (Fuerzas de Liberación Nacional) sortzaileetariko bat dugu. 1969an jaio zen antolakundea 50. hamarkadaren erdialdeaz geroztik Mexikon jasotako herri mobilizazioen ondorioz. Izan ere, garai horietan eremu eta arlo ezberdinerako langileak kalera atera ziren beraien lan eskubideak aldarrikatzera. Gobernuak ordea, langileriaren beharrei erantzun beharrean, engañua, errepresioa eta atxiloketekin erantzuen zuen. Testuinguru honetan 68ko ikasle mugimendua jaio zen, ikasleez gain eremu guztietako langileez osatua. Mexikoko Gobernuaren errepresio gordina pairatu zuena.

Panorama sozio-politiko eta ekonomiko horretan, aurrez esan bezala 1969an, FLN sortu zen eta EZLNren (Ejército Zapatista de Liberación Nacional) aitzindaria.

Fernando Yañezekin guzti honetaz eta gehiagoz hitz egingo dugu! Animatu eta hurbildu datorren asteazkenean arratsaldeko 19:00etan Martxoak 3 memoria gunera!

 

 

Azken ostiralean Galizia eta Korsikako preso politikoak gogoan

Hilabeteko azken ostiralaren deialdiarekin batera, eta apirilaren 17ko preso politikoen nazioarteko egunaren testuinguruan, Askapenako kideok Galizia eta Korsikako preso politikoak izan ditugu gogoa.

Herrien borrokaren historian preso politikoak etenik gabeko errealitatea izan dira. Aurten, Preso Politikeon Nazioarteko egunaren aitzakian Frantziak eta Espainiak osatzen duten herrien zapalkuntzarako esparruan jarri nahi izan dugu arreta. Izan ere, Euskal Preso Politikoen Kolektiboarekin batera, Korsika eta Galiziako hamarnaka lagun daude espetxean, euren militantziaren ondorio gogorrak sufritzen eta giza eskubideekiko erabateko mespretxuz sortutako neurriak jasaten.

Un abrazo internacionalista para Marcha Patriótica

En el marco del segundo aniversario de Marcha Patriotica, desde Askapena, organización internacionalista vasca, queremos expresar lo siguiente:

Por un lado, saludar de nuestro abrazo internacionalista a todos los y las compañeras militantes implicadas en este proyecto político bolivariano, antiimperialista y popular que ha mostrado a lo largo de estos dos años su compromiso con la lucha de la Colombia humilde, trabajadora, campesina y rebelde. Un compromiso que le ha dado en muy poco tiempo el lugar que se merece dentro del corazón de su pueblo y dentro del espacio político revolucionario colombiano.

Eraso Inperialistarik ez Gernikan ez Inon!

* Beherago gazteleraz

Duela 77 urteko apirilaren 26a dakargu gogora, Condor Legio alemaniarrak eta Italiako Aviacion Legionariak Gernika erasotu zutenekoa. Hilabete lehenago, martxoaren 31an, Durango ere ia 300 hildako utzi zituen bonbardaketaren xede izana zen. Ekintzok Faxismoak Europa mailan antolatutako ofentsibaren parte ziren, Estatu Espainolean II. Errepublikaren kontrako 1936.eko uztailaren 18ko Estatu Kolpearekin adierazi ofentsiba. Gaur gogora dakartzagun ekintza hauek inperialismoaren aurpegirik belikoena agerrarazten dute, Faxismoa hain zuzen, biziraun nahi duen gizarte atzerakoi baten azken baliabidea hura zalantzan jartzen duen eredu berri baten aurrean, jaiotzen ari den gizarte berri bat, kapitalismoa politikokiko, ekonomikoki eta sozialki arbuiatzen duena.

Orriak

Subscribe to RSS - Euskal Herria Internazionalista