Zatozte borrokara eta bat egin bataila luze honetan litekeen kausarik zintzoenaren alde: gizon-emakumeen askapena

Bob Dyle

Hemen zaude

Euskal Herria Internazionalista

Askapenaren komunikatua Hondurasko gertakarien aurrean

Azken asteetako hauteskunde prozesuan bizitako gertaeren aurrean, Askapenak bere elkartasun osoa erakutsi nahi dio Hondurasko herriari.

Ezagunak dira Hego Amerikak bere burujabetza berreskuratzeko hasitako bidean jasan behar izan dituen eraso eta estatu kolpe saiakerak. Venezuelan, Bolivian eta Ekuadorren baina, kapitalaren botere hegemonikoek ezin izan zuten herritarren borondatea lapurtu. Paraguayn ordea, 2012an lortu zuten Lugo presidentea boteretik kentzea, aurrez 2009an Hondurasen Manuel Zelayaren aurka erabilitako estatu kolpe estrategia bera errepikatuz. Amerikar Estatu Batuen babes eta zuzeneko parte-hartzearekin, itxuraz biolentziarik gabeko estatu kolpea diseinatu eta burutu zuten, kokapen geopolitikoagatik eta militarki duen izaera estrategikoagatik ezaguna den lurralde honetan. Hilabete batzuk geroago, aurretik deituta zeuden hauteskundeak erabili zituzten estatu kolpeari mozorro demokratikoa jartzeko.

Ordutik, etengabea izan da herri mugimenduak jasan beharreko errepresio gogorra: hilketa selektiboak, nekazari zein herri mugimenduko militanteen aurkako jazarpena, eta baita hainbat kazetariren erailketa ere. Guztiak isilpean pasa dira mendebaldeko hedabide eta gobernuen ahotatik.

Agur eta ohore Igor!

Brasilen duela bi hilabete izaniko istripu baten ondorioz Igor Urrutikoetxea LAB eko nazioarteko harremanetarako arduraduna hil dela jakin ostean Askapenak honakoa jakinarazi nahi luke:

Lehenik eta behin doluminik sentituenak eta animorik beroenak Igorren sendi eta lagunei eta LAB eko militante guztioi. Bigarrenik, Askapenatik  azpimarratu nahi genuke Igorren izaera internazionalista, gainerako borrokak bere egin izan ditu, hainbat aldiz brigadista bezala joanez,  Palestinara, Saharako lurralde okupatuetara aurtengo brigadetan bezala, baita Kurdistanera eta beste hainbat txokotara ere.

Euskal Herrian antolatu diren elkartasun esparru orotan izan da partaide eta bultzatzaile, EH Palestina Sarean, boikotaren aldeko ekimenak bultzatuz, Kolonbiakoa errepresioa salatuz, Kuba edo Venezuelako prozesu iraultzaileak babestuz, Greziar edo Andaluziako langileriarekin bat eginez...

Guretzat beraz, balio handiko internazionalista bat galdu dugula esatea dagokigu, tristuraz baina bidean jarraitzeko irmotasunez, mila esker Igor, adiorik ez!

Hamaika herri borroka bakarra!

Ostiralean Palestinaren aldeko kontzentrazioa Bilbon

Kontzentrazioa: "Palestinarekiko Nazioarteko Elkartasun Eguna" Azaroaren 29an, Ostiralarekin 11:00etan, Bilboko Moiua Plazan.

Kakitzat, Komite Internazionalistak eta Askapena gizarte mugimenduek Palestinar Herriarekin elkartasuna adierazi nahi dugu eta aldi berean Israel estatu sionistak Palestinaren kontra eramaten dituen politika zapaltzaileak salatu nahi ditugu. Bestalde estatu espainarrak, jakinda Israeldar estatuak egunero Palestinar biztanleen giza eskubideak zapaltzen dituela, estatu honi armamentua saltzen jarraitzen diola salatu nahi dugu.

Datozen egunetan Sardiniako eta Herrialde Katalanetako askapen borroka hizpide Euskal Herrian

Pasa den urriaren 12an Europako transnazionalek, eta bereziki españolek Abya Yalako herrietan burutzen duten lapurreta salatu ostean, Kataluina eta Sardiniako herriek aurrera darraiten borrokari tartea eskaini nahi diogu. Honela Herrialde Katalanetako eta Sardiniako kideen eskutik burujabetza eta sozialismoaren aldeko borrokan dituzten erronkak ezagutuko ditugu.

Azaroan Sardiniatik etorritako militante internaziolista bat izango dugu Euskal Herrina. Mediterraneoko irla txiki honetan, Italia zein kapitalismoaren atzaparretatik askatzeko urte luzetako borrokara hurbilduko gaitu eta bere esperientzia azaldu.

Abenduan berriz, Endavant-eko kideen eskutik Herrialde Katalanaren askapen nazional eta sozialaren inguruko xehetasunak jaso eta ezagutaraziko ditugu. Euskal Herrian ezaguna den borroka dugu Herrialde Katalanena, ezaugarri amankomun nabarmen ugari ditugulako eta gure arteko elkartasunak kapitulo ugari bizi izan dituelako. Gaurko egunez ordea harreman eta esperientzia ekar-truke horren garrantzian berresten gara. Horregatik beraien diskurtso eta praktika politiko apurtzailea (kapitalismoa eta Estatu Españo eta Frantsesarekiko) nola uztartzen duten trasladatuko digute. Bereziki gaurko egunez bizi dugun krisi sakon honen testuinguruan eta instituzioetan naiz kalean dauden ekimen eta mobilizazioetan kokatuz.

Dokumental internazionalisten maratoia asteartero Andoainen

Kartela handiagoa ikusteko klik hemen

Andoaingo Irunberri Kultur Elkarteak bere II. dokumental maratoia ekimena martxan jarriko du hurrengo asteartetik aurrera.

Latinoamerikako Herri anaien borrokak ikusgai izango ditugu asteartero arratsaldeko 8etatik aurrera. Emanaldien iraupenak ez du ordubetea iraungingo, dinamikoa eta atsegina izan dadin.

Oraingoan Euskal Herriarekiko elkartasun gertakari bat ere ezagutuko dugu, Uruguayen gertatutakoa, bertako bi hildako utzi zituena.

Internazionalismoa Herrien arteko xamurtasuna denez, zabaldu eta parte hartu!

XV. urtemugan Irunberri LIBRE nahi dugu!

Maputxeen borroka islatzen duen dokumentala proiektatu dute Iruñean

Maputxe herriaren borroka, Iruñeako Zabalñdi lokalean

Ostegunero tematika sozialeko pelikula bat proiektatzen ari dira Zabaldi elkatasun etxean, eta aste honetan Maputxeen borroka Euskal Herrira gerturatzeko tartea hartu zuten Askapenaren eskutik. “Apaga y vámonos” dokumentala ikusi eta ondoren neska maputxe batekin hitz egitea izan zuten bertaratutakoek, bere esperientzia pertsonala ezagutu eta sortutako zalantzak argitzeko.

Orriak

Subscribe to RSS - Euskal Herria Internazionalista