Mendi altu-altu baten gailurra egin eta gero, igotzeko beste mendi altu asko geratzen zaizkigula ohartzen gara

Nelson Mandela

Hemen zaude

Uruguay

"Guernica 94" Filtroko gertakarien 20. urteurreneko dokumentala

Hemen duzuen hau, Filtroko gertaeren 20. urteurrena dela eta Plenaria, Memoria y justicia antolakundeak egindako dokumental zirraragarria da. “Gernika 94” du izena. Dokumentala ahalik eta gehien zabaltzen aritu dira Uruguayn zehar eta bertan parte-hartzeko aukera ere izan dute euskal herriako brigadistek, bai aurkezpen eta ondorengo eztabaidetan ere. Hemen duzue aurkezpen baten garbatutako tartetxo bat:

“Gehiegizko zigorgabetasuna da”

Argazki galeria ederra eskutik

Atzo, abuztuaren 24an, 20 urte bete ziren Filtroko sarraskia gertatu zenetik. 20 urte luze hauetan inork ez du beregain hartu gertatutakoa, Fernando Morroni eta Roberto Facalen erailketak. Hori salatu nahian, aurtengo leloa “Gehiegizko zigorgabetasuna da” (Es demasiada impunidad) izan da.

Filtroko martxan euria eta txingorra izan ditugu lagun baina ez da aitzakia izan Uruguayko herria berriro ere kalera ateratzeko. Mila lagunekin batera Montevideoko kaleak aldarriz bete ditugu justizia eskatuz eta egoera zalatuz. Amaierako ekitaldian parte hartzeko aukera eskeini digute beste antolakunde batzuekin batera eta bertan gure elkartasuna adierazi dugu. Gertaerak bi herrien memoria historikoan duen garrantziaz hitz egin dugu eta internazionalismoaren borroka dugula ardatz ozen azpimarratu dugu.

Bilbon Filtroko 20. urteurrenean Montevideoko memoria eta justizia aldarriarekin bat egin genuen

Zenbaitek kontrakorik uste badu ere, Euskal Herriak hamarkadaz hamarkada jaso izan du elkartasuna. Gure herriaren borroka, militanteekiko elkartasunak ez du etenik ezagutu. Gaur, 2014ko abuztuaren 24 honetan elkartasunaren adierazpen gogorrenetariko bat ekarri nahi dugu gogora; Filtro.

20 urte betetzen dira gaur Manueltxo Goitia, Luis Mari Lizarralde eta Mikel Ibañez euskal errefuxiatu politikoek estradizioa ekiditeko gose greban Filtroko ospitalean izan zirenetik

20 urte eta gero, herriak ez du ahazten!

Igandean, abuztuak 24, 20 urteko beteko dira Euskal Herria eta Uruguay besarkada solidario batek batu zituela. Horregatik, beste urte batez, Bilbon batu eta bi herrion memoria, elkartasun eta borroka omentzeko ekitaldia antolatu dugu Ahaztuak eta Askapena antolakundeok elkarlanean.

* beherago gazteleraz/abajo en castellano

1994ko abuztuaren 24 hartatik 20 urte igaro dira. Egun hartan Euskal Herriak bere historiako elkartasun erakustaldirik handienetakoa jaso zuen. Uruguayar herriak Montevideoko Filtro erietxean espaniar tortura eta espetxera estraditatu ez zitzaten gose greban zeuden 3 euskal militanteri masiboki lagundu zion kaletik. Egun hartan, elkartasun internazionalistak eman duen mobilizazio historikoa egin zen, eta uruguayarrek, diktadura bukatuz geroztik gertatu gabeko errepresioa pairatu zuten. Polizia zaldi gainean herritarrak borraz jipoitzen, bala-tiroak nonahi... holakoa izan zen Madrilen aginduetara lanean ari ziren estatuko aparato errepresiboek Uruguayko herri solidarioari eman zion zigorra. Ehunka zauritu eta atxilotu, eta bi kide erailak -Roberto Facal eta Fernando Morroni- izan ziren ondorio dramatikoak. Geroztik, egun hartako errepresioa "Filtroko sarraskia" bezala izendatzen dute.

Filtro; oroimena, miresmena eta irakaspena

Gaur, Errefuxiatu eta iheslari politiko egunean Uruguaien duela 20 urte izan ziren gertakizunak gogoan izan ditugu Oñatin burutu dugun ekitaldi politikoan. Euskal Iheslari Politikoen etxera itzultzeko erabakia eta  Uruguaiko herriaren irakaspena izan ditugu izpide, Norma Morronik egun honetarako helarazitako hitzak entzungai eta baita, Roberto Facala eta Fernando Morroni, eta euskal errefuxiatu politikoei omenalditxo txikia eskaini ere.

Txalapartarenkin batera eszenatoki ingurura batu dira bertaratutakoak. Marijo Altube Oñatiko bizilagunak modu xume batean gaurko egunez Oñatira ekarri gaituen zergatiak azaldu eta Joxean Agirre Sortuko Gipuzkoako koordinatzaileaari eman dio hitza.

Filtroko gertaera ekarriko dugu gogora larunbat honetan Oñatin

Datorren larunbata Errefuxiatu eta Iheslari Politikoen eguna dugu. Data berezia zalantzarik gabe, arrazoi politiko eta jazarpenak bultzatuta Euskal Herritik ihes egin behar izan duten milaka kide ditugun herri honetan.

Atzerrian ere errepresio gogorra pairatu izan dute ordea. Horren adibide dira Manueltxo Goitia, Luis Mari Lizarralde eta Mikel Ibañez euskal errefuxiatu politikoak, Uruguayen atxilotu eta Espainiariara estraditatuak izan zirenak 1994ako abuztuaren 24ean.

Orriak

Subscribe to RSS - Uruguay