Ez al da izango pobreak pobre direla, beren goseak geuri ematen digulako jaten eta beren biluztasunak geu jantzi?

Eduardo Galeano

Kanbon eman diogu amaiera brigaden kanpainari

Gaur amaitzen da Brigadak14 izen emateko epea eta hiru hilabetako hitzaldi eta kanpainari amaiera emateko atzoko egunez, martxoak 29 larunbata Kanbon festa internazionalista antolatu genuen Aitzina gazte antolakundearekin bateran. 

Lehenik mahai ingurua izan zen, 30 lagunetik  gora bertaratu ziren. Aitzinako kide batek hartu zuen hitza eta duela gutxi sortu den gazte antolakundeak internazionalismoarekin duen konpromiso eta beharraz aritu zen. Ostean, Askapenako kide batek hartu zuen hitza eta herrien arteko xamurtasunak Euskal Herrian izandako ibilbidea azaltzeaz gain, brigaden gaineko informazioa eskaini zuen. Hizlarietan azkena, Saharan duela bi urte izandako gertuko brigadista  bat izan zen. Bere brigadan izandako bizipenak eta bere balioaz  jardun zuen. Hamaika izan ziren jarraian, jendearen galdera eta ekarpenak, brigaden gaineko galderak, kontraparteak osatzeko lehentasunak,  nazioartean elkarrekin batera borrokatzeko aukerak...

Atxikimendua eman eta apirilaren 5ean “gure erabakitzeko eskubidea” lelopean Iruñan burutuko den manifestazioan parte hartzera dei egiten dugu

Askapenak emakumeon burujabetzaren alde datorren apirilaren 5ean Iruñean ospatuko den manifestazioari bere atxikimendua adierazten dio eta bertan parte hartzea dei egiten du.

BABESA EMATEN DIOGU manifestazioari, aldarrikapenaren eta protestaren erdigunean emakumeon gorputz askeak eta burujabeak jartzen dituelako, baita dagozkigun sexu eta ugalketa eskubideak ere, ama izateko edota ez izateko eskubidea barne.

BABESA EMATEN DIOGU Iruñeako kaleak zeharkatuko dituen manifestazioari, aldarrikatuko duelako, inolako luzapen edota aitzakiarik gabe, abortua bere-berehala Kode Penaletik atera dadila, eta emakumeon eskubidetzat har dadila, emakumearen borondate librez eta eskaeraz gauzatuko dena.

Martxoaren 30ean, Nazioarteko Israeli Boikot Eguna

Urte batzuk pasatu dira Israelgo Estatuaren aurkako boikot, desinbertsio eta zigorren aldeko kanpaina (BDS bezala ezagututa: boycott, divestment and sanctions) martxan jarri zenetik, Hego Afrikako Apartheid erregimena nazioartean isolatzeko kanpaina luzearen eredua hartuta. BDS kanpaina Palestinako 170 erakundek bultzatuta dago (http://www.bdsmovement.net/call) eta Palestinako espektro politiko osoak sostengatzen du, ezberdintasun ideologikoen gainetik, herri palestinarrak berak bere borrokaren aldeko mugimendu solidarioei eskaintzen dien tresna nagusia izanda. (* Informazio gehiagorako irakurri albiste hau)

Brigaden kanpaina amaiera Kanbon ospatuko dugu martxoaren 29an

Briganden kanpaina amaitzear da eta hiru hilabete hauei amaiera emateko martxoaren 29an azken aurkezpena KANBON antolatzen ari gara Aitzina gazte antolakundeko kideekin batera. Arratsaldeko 18:00etatik aurrera mahai inguruan egingo dugu internazionalismoaz hitz egiteko Askapena, Aitzina eta aurreko urteko brigadisten laguntzaz. Behin gosea eginda afari venezuelarra izango dugu eta gero kontzertuak! Animatu gaualdi internazionalistara!

Azken aste honetarako hitzaldiz beteta dugu agenda, ikusi nahi?

Martxoak 25; Hernaniko Kultur Etxean arratsaldeko 19:00etatik aurrera “Internazionalismoa, herrien arteko xamurtasuna” hitzaldia eskainiko dugu eta aurtemgo brigadak aurkeztuko.

Independentzia mintzagai izan dugu Zizurren

Zizurren burutzen ari duten independentziaren astearen baitan, hitzaldia eskaini genuen atzo Esparru gaztetxean. Hitzordua 19.00tan izan zen eta 30 pertsona inguruk parte hartu zuten.

Askapenako militantea den Guillermo izan zen hizlaria eta independentzia zer den azaltzen hasi zen. Argi utzi zuen estatu bat izatea ez dela nahikoa independenteak izateko: Kontua da botere politiko eta ekonomikoa noren eskuetan dagoen. Adibide bezala hego Amerikako herrien kasua aipatu zuen. Espainiar eta poltugardar inperioetatik askatu eta estatu propioa eraiki zuten, baina estatua minoria kapitalista baten eskuetan egon da, inperio yankiaren esanetara gainera. Azpimarratu zuen Venezuelan, Bolivian eta Kuban kasu, oso argi dutela hau eta horregatik mintzatzen direla “bigarren independentzia” eskuratzeaz. Honetarako herriak estatuaren estruktura osoa eta botere ekonomikoa eskuratu beharra ditu, hau da, sozialismoa eraiki.

Gran Mision Vivienda Venezuela zertan datzan azaldu digu Yolanda Rojas Urbinak

Arrasateko Askapenak, "Circulo Bolivariano La Puebla"-k, "Euskadi-Cubak", eta "Kaleratzeak Stop Desahucios Debagoienak" gonbidapenari erantzunez, Yolanda Rojas Urbina (Venezuelar Errepublika Bolivarianoko konsul generala Bilbon) Arrasaten izen zen atzo Venezuelako Gobernuaren etxebizitza politika eta Gran Mision Vivienda Venezuela azaltzen.

Orriak

Subscribe to Askapena RSS
randomness